प्रिमियर लिगमा लिभरपुलले आइतबार क्रिस्टल प्यालेसलाई ३–१ ले हराउँदै अङ्क तालिकाको चौथो स्थानमा आफ्नो पकड बलियो बनाएको छ।
खेलको पहिलो हाफमा दुवै टोलीले गोलको प्रयास गरे पनि ४०औँ मिनेटमा एलेक्सिस म्याक एलिस्टरले गोल गर्दै लिभरपुललाई अग्रता दिलाए। दोस्रो हाफको सुरुवातमै फ्लोरियन विर्ट्जले ५४औँ मिनेटमा दोस्रो गोल थपेपछि पाहुना टोलीमाथिको दबाब झन् बढ्यो। निर्धारित समय सकिन एक मिनेट बाँकी रहँदा अलेक्ज्याण्डर इसाकले तेस्रो गोल गर्दै जित पक्का गरे।
इन्जुरी समयको पाँचौँ मिनेटमा एडी एनकेटियाले पेनाल्टीबाट प्यालेसका लागि सान्त्वना गोल फर्काए पनि हार टार्न सकेनन्।
यो जितसँगै लिभरपुल चौथो स्थानमा उक्लिएको छ भने क्रिस्टल प्यालेस २०औँ स्थानमा झरेको छ। प्यालेसका लागि यो सिजन निराशाजनक बन्दै गएको छ भने लिभरपुलले उपाधि दौडमा आफूलाई जिवितै राखेको छ।
