काठमाडौं । वैकल्पिक विकास वित्त कोषको प्रमुख कार्यकारी अधिकृत चयन प्रक्रिया अन्तिम चरणमा पुगेको छ। अर्थ मन्त्रालयले उक्त पदका लागि छ जनाको नाम छनोट गरी उनीहरूलाई कार्ययोजना प्रस्तुति र अन्तर्वार्तामा सहभागी हुन बोलाएको छ।
मन्त्रालयका अनुसार कोषको प्रमुख पदका लागि कुल १२ जनाले आवेदन दिएका थिए। तीमध्ये आवश्यक कागजात पूरा नभएका सात जनाको आवेदन अस्वीकृत गरिएको छ। छनोटमा परेका उम्मेदवारले आफ्नो व्यावसायिक रणनीति तथा कार्ययोजना प्रस्तुत गर्नुपर्नेछ, त्यसपछि उनीहरूसँग रणनीतिक छलफल र अन्तर्वार्ता हुनेछ।
छनोटमा परेकाहरूमा अपार न्यौपाने, आशुतोष शर्मा, चन्दनकुमार घोष, रामकृष्ण खतिवडा, सुभाष थापा र स्मृति शर्मा छन्। प्रस्तुति र अन्तर्वार्ताका लागि आगामी ५ र ६ मंसिरको मिति तोकिएको छ, र यो प्रक्रिया लोकसेवा आयोगको कार्यालयमा हुनेछ।
आवेदन अस्वीकृत भएकामा दिप्त साह, ऋतु प्रधान, सुमनकुमार वैद्य, प्रबुद्ध दाहाल, डा. होमनाथ गैरे, दिनेश दुलाल र दीलिपराज पौडेल छन्।
