काठमाडौँ — माछापुच्छ्रे बैंक लिमिटेडका अवरुद्ध भएका वेबसाइट तथा वेबमा आधारित बैंकिङ सेवाहरू पुनः नियमित सञ्चालनमा आएका छन्।
बैंकले सूचना जारी गर्दै आवश्यक प्रणाली अद्यावधिक गर्ने कार्य सम्पन्न भएको र हाल सबै सेवाहरू पहिलेकै अवस्थामा चल्न थालेको जानकारी दिएको छ। सिस्टम अपडेटका लागि ती सेवाहरू अस्थायी रूपमा रोकिएका थिए।
यसअघि पीएचपी प्रणालीमा देखिएको विश्वव्यापी प्राविधिक समस्यापछि बैंकका ग्राहकसँग सम्बन्धित केही सेवाहरू अस्थायी रूपमा बन्द गरिएको थियो। आवश्यक प्राविधिक कार्य पूरा भएसँगै सेवाहरू पुनः सुचारु भएका हुन्।
अब ग्राहकहरूले वेबसाइट र वेबमा आधारित सबै बैंकिङ सुविधा नियमित रूपमा प्रयोग गर्न सक्नेछन्। बैंकले यसबीचमा भएको असुविधाप्रति ग्राहकसँग क्षमायाचना मागेको छ।
