अमेरिकी नौसेनाको विमानवाहक युद्धपोत यूएसएस थियोडोर रुजवेल्ट नेतृत्वको स्ट्राइक ग्रुप नोभेम्बरको मध्यअघि मध्यपूर्व नपुग्ने भएको छ।
एक अमेरिकी अधिकारीले अलजजिरालाई दिएको जानकारीअनुसार उक्त युद्धपोत हाल मध्यपूर्वमा रहेको यूएसएस जर्ज वासिङ्टनको स्थान लिन त्यहाँ पठाउन लागिएको हो। रुजवेल्ट समूह अर्को साताअघि क्षेत्रमा पुग्ने छैन।
यसैबीच अमेरिकाको १३औँ मरिन एक्सपिडिसनरी युनिट र माकिन आइल्यान्ड एम्फिबियस रेडी ग्रुप पनि यसै महिनाको अन्त्यतिर मध्यपूर्व पुग्ने अपेक्षा गरिएको छ। यो एकाइमा दुई हजार दुई सयभन्दा बढी मरिन सैनिक तथा नौसैनिक छन्।
समुद्र र स्थल दुवैमा सैन्य कारबाही गर्न सक्षम यो एकाइले आकस्मिक आक्रमण गर्ने, समुद्री आवागमन रोक्ने तथा पानीजहाजमा चढेर खानतलासी गर्ने क्षमता राख्छ।
अमेरिकी सैन्य फौजको यो तैनाथीले इरानमाथि थप आक्रमण हुन सक्ने आशंका बढाएको छ।
