काठमाडौं । तिहार पर्वको तेस्रो दिन राष्ट्रपति रामचन्द्र पौडेलले शीतल निवासमा गाईको पूजा गरेका छन् ।
राष्ट्रपति पौडेलले राष्ट्रपति भवन परिसरमा धनधान्यकी देवी लक्ष्मीको प्रतीक मानिने गाईको विधिपूर्वक पूजा गरे । पूजापछि उनले गाईलाई खानेकुरा खुवाएका थिए ।
तिहारमा गाईलाई समृद्धि र सौभाग्यको प्रतीकका रूपमा पूजा गरी सम्मान व्यक्त गर्ने परम्परा छ । गाईलाई लक्ष्मीको वाहन र धनकी देवीको स्वरूप मानिन्छ, त्यसैले यस दिन गाईको पूजा गर्दा घरमा सुख, शान्ति र समृद्धि भित्रिने विश्वास गरिन्छ ।
यमपञ्चकको तेस्रो दिन मनाइने गाई तिहारमा देशभरका घरघरमा गाईको पूजा हुन्छ । बिहानै गाईलाई नुहाइधुवाइ गरेर टीका लगाइने, माला पहिर्याइने र मीठो खानेकुरा खुवाइने चलन छ ।
तिहारको यो दिनलाई किसान र गाईपालकका लागि पनि विशेष मानिन्छ, किनकि गाईलाई अन्नदाता र समृद्धिको आधारका रूपमा सम्मान गरिन्छ ।
तिहारको मुख्य दिन भाइटीका कात्तिक २५ गते बिहान ११ बजेर ७ मिनेटमा रहेको छ । यमपञ्चक कात्तिक २० गतेदेखि सुरु भएको हो ।
