मुम्बई — चर्चित बलिउड चलचित्र ‘काँटे’, ‘काबिल’, ‘सुटआउट एट लोखन्डवाला’ र ‘मुम्बई सागा’ निर्देशन गरेका सञ्जय गुप्ताको निधन भएको छ। मिडिया रिपोर्टका अनुसार भान्सामा लडेर टाउकोमा लागेको चोटका कारण उनको निधन भएको हो।
गुप्ता मुम्बईको राम नगर क्षेत्रमा रहेको एक बङ्गलामा बस्दै आएका थिए। अक्टोबर ३०–३१ को मध्यराति उनी भान्सामा लडेका थिए, जसबाट उनको टाउकोमा गम्भीर चोट लागेको थियो। उनको शव घरको भान्सामै भेटिएको थियो।
प्रहरीले आकस्मिक मृत्यु रिपोर्ट दर्ता गरी शवको परीक्षण गराएको छ। उनको पार्थिव शरीर भर्सोभास्थित घरमा ल्याइएको छ। परिवारले यस घटनालाई लिएर कुनै पनि किसिमको शङ्का व्यक्त गरेका छैनन् र कुनै उजुरी पनि दर्ता गराएका छैनन्।
डीसीपी नर्थ जोन–१ पुरुषोत्तम कराडले भने, ‘भर्सोभा प्रहरी चौकीलाई आज बिहान फिल्म निर्माता सञ्जय गुप्ताको आफ्नै घरमा अचानक लडेर मृत्यु भएको सूचना प्राप्त भएको थियो। यस मामिलामा आकस्मिक मृत्युको रिपोर्ट दर्ता गरिएको छ र अनुसन्धान जारी छ।’
हाल शवको पोस्टमार्टम गरिएको छ भने भर्सोभा प्रहरीले यस मामिलामा थप अनुसन्धान गरिरहेको छ।
