सुपरस्टार रजनीकान्त अभिनीत फिल्म ‘जेलर २’ ले तमिल सिनेमाको इतिहासमै सबैभन्दा धेरै कमाइ गर्ने फिल्मको कीर्तिमान बनाएको छ। प्रदर्शनको ११ दिनमै फिल्मले विश्वभर ७१० करोड भारतीय रुपैयाँ बटुलेको छ।
यसअघि यो कीर्तिमान फिल्म ‘२.०’ को नाममा थियो, जसले कुल ६९१ करोड रुपैयाँ कमाएको थियो। ‘जेलर २’ ले त्यो आँकडा पार गर्दै नयाँ इतिहास रचेको हो। भारतभित्र मात्र फिल्मले ४६६.८५ करोड रुपैयाँ कमाएको छ।
नेल्सन दिलिपकुमारको निर्देशनमा बनेको यो फिल्ममा रजनीकान्तसँगै रम्या कृष्णन, मोहनलाल, शिवराजकुमार, ज्याकी श्राफ र विद्या बालनजस्ता चर्चित कलाकारहरूको अभिनय छ। अक्टोबर १५ (असोज २९) मा प्रदर्शनमा आएको यो फिल्म नेपालका हलहरूमा पनि देखाइरहेको छ।
पहिलो दिनदेखि नै बक्स अफिसमा आक्रामक सुरुवात गरेको ‘जेलर २’ ले छोटो समयमै यो उपलब्धि हासिल गरेपछि दक्षिण भारतीय सिनेमा जगतमा ठूलो चर्चा चलेको छ। फिल्मले आगामी दिनमा कमाइको आँकडा अझै माथि पुर्याउने अनुमान गरिएको छ।
