लगातार परेको वर्षाका कारण ललितपुरको च्यासलस्थित मनोहरा नदीमा पानीको बहाव उच्च भएको छ। नदीको सतह बढ्दै गएपछि स्थानीय प्रशासनले नदी किनारका बासिन्दालाई सतर्क रहन आग्रह गरेको छ।
प्रशासनले नदी आसपास बसोबास गर्ने र आवतजावत गर्ने सर्वसाधारणलाई सावधानी अपनाउन भनेको छ। पानीको बहाव हेर्न नदी किनारमा नजान पनि आग्रह गरिएको छ।
सम्भावित जोखिमलाई ध्यानमा राखेर सशस्त्र प्रहरी बल, नेपाल नम्बर २१ गण, ललितपुर दक्षिणकाली आवश्यक तयारीसहित परिचालनका लागि तयारी अवस्थामा राखिएको छ। परिस्थिति बिग्रिएमा तत्काल परिचालन गर्न सकिने गरी तयारी गरिएको प्रशासनले जनाएको छ।
लगातारको वर्षाले नदीको सतह अझै बढ्न सक्ने भएकाले किनारका बासिन्दालाई विशेष सतर्कता अपनाउन भनिएको छ। प्रशासनले जोखिम क्षेत्रमा नजान र सुरक्षित स्थानमा रहन सबैलाई अनुरोध गरेको छ।
