नेपाल टेलिकमले नेपाल प्रिमियर लिगको तेस्रो संस्करणलाई ध्यानमा राखेर ग्राहकका लागि विशेष मोबाइल प्याकेज ल्याएको छ। क्रिकेट हेर्न चाहने र बढी डाटा प्रयोग गर्ने ग्राहकलाई लक्षित गरेर तयार पारिएको यो प्याकेजको नाम एनपीएल अनलिमिटेड प्याकेज राखिएको छ।
प्रिपेड र पोस्टपेड दुवैथरी मोबाइल प्रयोगकर्ताले ५९९ रुपैयाँ तिरेर यो सुविधा लिन सक्नेछन्। प्याकेजको अवधि ३० दिनको हुनेछ। त्यस अवधिमा ग्राहकले जुनसुकै नेटवर्कमा गरी ३३३ मिनेट कुरा गर्न पाउनेछन् भने हरेक दिन ८ जीबी डाटा चलाउन पाउनेछन्।
यो सुविधा कात्तिक १० गतेदेखि मंसिर ५ गतेसम्म किन्न सकिनेछ। ग्राहकले टेलिकमले तोकेको कोड डायल गरेर वा नेपाल टेलिकम एपबाट प्याकेज सक्रिय गर्न सक्नेछन्। पोस्टपेड प्रयोगकर्ताको हकमा शुल्क मासिक भाडामै जोडिने व्यवस्था गरिएको छ।
टेलिकम एनपीएल सिजन–३ को आधिकारिक टेलिकम साझेदारसमेत रहेको छ। प्रतियोगिता अवधिभर ग्राहकलाई सहज रूपमा खेलसँग जोड्न यो प्याकेज ल्याइएको कम्पनीले जनाएको छ।
