काठमाडौँ — सरकारले नेपाल बीमा प्राधिकरणको अध्यक्षमा राजन बिक्रम थापालाई नियुक्त गरेको छ। अर्थ मन्त्रालयले गठन गरेको छनोट समितिको सिफारिसका आधारमा मंगलबार बसेको मन्त्रिपरिषद् बैठकले थापाको नियुक्ति गरेको हो।
बुधबार अर्थ मन्त्रालयमा आयोजित कार्यक्रममा अर्थमन्त्री डा. स्वर्णिम वाग्लेले नवनियुक्त अध्यक्ष थापालाई पद तथा गोपनीयताको शपथ गराए। शपथपछि मन्त्री वाग्लेले थापालाई बीमा क्षेत्रप्रतिको भरोसा बढाउने गरी निर्भय र निर्धक्क भएर काम गर्न निर्देशन दिए।
प्राधिकरण बीमा कम्पनीहरूको नियमन र बीमितको हित संरक्षण गर्ने नियामक निकाय हो। थापाले अब प्राधिकरणको नेतृत्व सम्हाल्नेछन्। बीमा बजारलाई थप पारदर्शी र भरपर्दो बनाउने जिम्मेवारी नयाँ अध्यक्षको काँधमा आएको छ।
