नेपाल र भारतको ‘ए’ टिमबीच डिसेम्बरमा हुने भनिएको क्रिकेट शृङ्खला स्थगित भएको छ। डिसेम्बर ९, ११ र १३ गते खेल्ने तालिका सार्वजनिक भए पनि उक्त शृङ्खला अहिले नहुने नेपाल क्रिकेट संघ (क्यान) ले जनाएको छ।
यो शृङ्खला भएको भए नेपाली टिमले घरेलु मैदानमा बलियो भारतीय टिमसँग खेल्ने अवसर पाउने थियो। तर काठमाडौंमा हुने अन्तर्राष्ट्रिय क्रिकेट परिषद् (आईसीसी) को पुरुष विश्वकप छनोट प्लेअफका कारण दुवै पक्षको सहमतिमा यो शृङ्खला स्थगित गर्ने निर्णय भएको क्यानले जानकारी दिएको छ।
छनोट प्लेअफ डिसेम्बर ४ देखि २१ सम्म काठमाडौंमा हुँदैछ। विश्वकपको टिकटका लागि हुने यो प्रतिष्ठित प्रतियोगिताको तयारी र व्यवस्थापनमा क्यान व्यस्त हुने भएकाले ‘ए’ टिमसँगको शृङ्खलाको नयाँ मिति तय गर्न कठिन भएको हो।
क्यानले भारतीय क्रिकेट नियन्त्रण बोर्ड (बीसीसीआई) सँगको समन्वय र सहमतिमा शृङ्खलाको नयाँ तालिका तयार गरी छिट्टै सार्वजनिक गर्ने जनाएको छ।
