भारतमा सम्पन्न तेस्रो विश्व अराशी एमएमए च्याम्पियनसिप २०२६ मा नेपाली खेलाडीहरूले शानदार नतिजा निकालेका छन्। पञ्जाबको लुधियानामा भएको प्रतियोगितामा नेपालले सात स्वर्ण, चार रजत र दुई कांस्य गरी कुल १३ पदक जितेको छ।
स्वर्ण पदक जित्ने खेलाडीमा ओम प्रकाश कोली, सोनी तामाङ, प्रान्जल बोहोरा, फुर्साङ तामाङ, शीतल कोली, सृजना बिसी र प्रयास खत्री रहेका छन्। कोलीले ५० किलो तौल समूहमा, सोनी तामाङले महिला ५० किलोमा, बोहोराले पुरुष ३० किलोमा, फुर्साङ तामाङले महिला ४२ किलोमा, शीतल कोलीले महिला ४० किलोमा, बिसीले महिला ४६ किलोमा र खत्रीले पुरुष ५८ किलो तौल समूहमा पहिलो स्थान हासिल गरेका हुन्।
रजत पदकतर्फ तुफान खड्का, उत्सव पुरी, सुभास चौधरी र करण सिर्पालीले पदक जिते भने सिद्धार्थ साउद र समीर बिकले कांस्य पदक हात पारे।
प्रतियोगितामा नेपालसहित कजाकस्तान, रसिया, अजरबैजान, ताजकिस्तान, जर्मनी, पाकिस्तान, बंगलादेश, तुर्कमेनिस्तान, अफगानिस्तान, भारत, न्युजिल्याण्ड र किर्गिस्तानलगायतका देशका खेलाडीहरू सहभागी भएका थिए। यसबारे अन्तर्राष्ट्रिय प्रशिक्षक तथा पूर्व नेपाली राष्ट्रिय खेलाडी निकेश श्रेष्ठले जानकारी दिएका छन्।
नेपाली टोलीमा पदम ठकुल्ला र विजय कुमार सोनी प्रशिक्षकका रूपमा रहेका थिए भने निश्चल केसी र सुमित सोनीले निर्णायकको भूमिका निर्वाह गरेका थिए। आलिक राई टोली व्यवस्थापक र जोन तामाङ टिम लिडरका रूपमा सहभागी भएका थिए। यो उपलब्धिले नेपालमा अराशी एमएमए खेलको विकास र अन्तर्राष्ट्रिय पहिचान विस्तारमा टेवा पुग्ने अपेक्षा गरिएको छ।
