अमेरिकाले युक्रेनसँगको गुप्तचर सूचना साझेदारीमा आएको छोटो अवरोध हटाएको युक्रेनी राष्ट्रपति भोलोदिमिर जेलिन्स्कीले बताएका छन्। अमेरिकी टेलिभिजन एनबीसीको ‘मिट द प्रेस’ कार्यक्रममा बोल्दै उनले साझेदारी केही समय रोकिएको तर पछि पुनः खुला गरिएको बताए।
रुसी ब्यालेस्टिक क्षेप्यास्त्रको तीव्र आक्रमण छिचोल्न युक्रेनले अमेरिकी गुप्तचर सूचनामा भर पर्दै आएको छ। जेलिन्स्कीका अनुसार रूसले सहरहरूतर्फ छाडेका तीव्र गतिका ब्यालेस्टिक क्षेप्यास्त्र पत्ता लगाउन यो सूचना अत्यन्त आवश्यक छ। अवरोधका दिनहरूमा केही आक्रमणबारे युक्रेनलाई पूर्वसूचना नमिलेको अधिकारीहरूले जनाएका थिए।
राष्ट्रपति डोनाल्ड ट्रम्पले भने गत सातै सूचना साझेदारी जारी रहेको बताएका थिए। सोही अन्तर्वार्तामा जेलिन्स्कीले रूसी डिजेल आयात सम्झौता र लागु हुन लागेका प्रतिबन्ध स्थगनजस्ता अमेरिकी कदमले युक्रेनलाई नोक्सान पुग्ने चेतावनी दिए। ट्रम्पले आफ्नो निर्णय रूसलाई वार्ताको टेबलतिरै राख्ने उद्देश्यले भएको बताएका छन्।
अमेरिकी कोष सचिव स्कट बेसेन्टले गुप्तचर साझेदारीसहित युक्रेनले रूसले नपाउने अमेरिकी सहयोग पाइरहेको दाबी गरेका छन्।
