कीर्तिपुरस्थित त्रिवि अन्तर्राष्ट्रिय क्रिकेट मैदानमा मंगलबार जारी नेपाल प्रिमियर लिगको खेलमा जनकपुर बोल्ट्स गम्भीर दबाबमा परेको छ । सुदूरपश्चिम रोयल्सले दिएको १२१ रनको लक्ष्य पछ्याउने क्रममा जनकपुरले १३ ओभर सकिँदा सात विकेट गुमाएर मात्र ५७ रन जोडेको छ ।
हर्मित सिंह सातौँ विकेटका रूपमा पभिलियन फर्किएपछि जनकपुरको इनिङ्स झनै संकटमा परेको हो । उनले आठ बल खेलेर चार रन मात्र बनाउन सके । लगातार विकेट गुम्दै जाँदा जनकपुरको ब्याटिङ क्रम सम्हालिन सकेको छैन ।
लक्ष्य सानो देखिए पनि जनकपुरका ब्याट्सम्यानहरूले सुरुवातदेखि नै लय समात्न सकेनन् । एकपछि अर्को विकेट झर्दा रन गति पनि सुस्त बनेको छ । अब बाँकी सात ओभरमा जितका लागि जनकपुरलाई ६४ रन आवश्यक छ ।
सुदूरपश्चिमका बलरहरूले सुरुदेखि नै कसिलो बलिङ गर्दै जनकपुरमाथि दबाब कायम राखेका छन् । विकेट गुमाउने क्रम नरोकिएमा जनकपुरका लागि लक्ष्य भेट्टाउन निकै कठिन हुने देखिन्छ । पछिल्ला ब्याट्सम्यानहरूले जिम्मेवारीपूर्वक खेल्न सके मात्र जनकपुर खेलमा फर्किन सक्नेछ ।
प्लेअफको दौडमा रहेका दुवै टोलीका लागि यो खेल निकै महत्त्वपूर्ण छ । सुदूरपश्चिमले यसअघि पहिलो इनिङ्समा १२० रन बनाएको थियो ।
