नयाँ दिल्ली — भारतको राजधानी दिल्लीको नजफगढ क्षेत्रमा रहेको एक कपडा कारखानामा आइतबार साँझ ठूलो आगलागी भएको छ। नांगली सकरावतीमा अवस्थित कारखानामा लागेको आगो नियन्त्रणमा लिन दिल्ली दमकल विभागका २५ वटा दमकल एकैसाथ घटनास्थलमा खटाइएका थिए।
दमकल विभागले दिएको जानकारीअनुसार आगो नियन्त्रणमा आएपछि घटनास्थलमा चिसो बनाउने काम (कुलिङ अपरेसन) जारी राखिएको थियो। सुरक्षालाई ध्यानमा राख्दै उद्धार कार्य तीव्र पारिएको अधिकारीहरूले बताएका छन्। आगलागीबाट भएको क्षतिको पूर्ण विवरण भने आइनसकेको छैन। आगलागीको कारणबारे पनि अहिलेसम्म केही खुलेको छैन।
यसैबीच, दिल्लीभरका ७१ वटा दमकल स्टेशनलाई २४ घण्टा पूर्ण रूपमा सक्रिय अवस्थामा राखिएको छ। साँघुरा गल्लीहरूमा छिटो पुग्न सकियोस् भनेर ५० वटा क्विक रेस्पोन्स भेहिकल र २० वटा फर्स्ट रेस्पोन्डर मोटरसाइकल तैनाथ गरिएको छ।
अधिकारीहरूले क्षतिको यकिन विवरण आउन बाँकी रहेको बताएका छन्। दमकलका टोलीहरू घटनास्थलमा खटिएर अवस्थाको निगरानी गरिरहेका छन्।
