काठमाडौं । नेपाली बजारमा सोमबार सुन र चाँदी दुवैको मूल्य बढेको छ । नेपाल सुनचाँदी व्यवसायी महासंघले सार्वजनिक गरेको दरअनुसार आज सुनको कारोबार प्रतितोला दुई लाख १० हजार दुई सय रुपैयाँमा भइरहेको छ । यो भाउ आइतबारको तुलनामा प्रतितोला पाँच सय रुपैयाँ बढी हो ।
आइतबार सुनको मूल्य प्रतितोला चार सय रुपैयाँ घटेर दुई लाख ९ हजार सात सय रुपैयाँमा कारोबार भएको थियो । त्यसपछिको एक दिनमै बजारले फेरि उकालो बाटो समातेको हो ।
त्यस्तै, सोमबार चाँदीको मूल्य पनि बढेको छ । आइतबार प्रतितोला चार हजार एक सय रुपैयाँमा कारोबार भएको चाँदी आज चार हजार एक सय ८५ रुपैयाँ पुगेको छ । अघिल्लो दिनको तुलनामा चाँदी प्रतितोला ८५ रुपैयाँले महँगिएको हो ।
यता अन्तर्राष्ट्रिय बजारमा पनि सुनको मूल्य उच्च स्तरमा छ । सोमबार अन्तर्राष्ट्रिय बजारमा सुन प्रतिऔंस चार हजार एक सय ८६ अमेरिकी डलरमा कारोबार भइरहेको छ । व्यवसायीहरूका अनुसार अन्तर्राष्ट्रिय बजारको उतारचढावले घरेलु भाउमा प्रत्यक्ष असर पार्ने गर्छ ।
