काठमाडौं । सरकारले आर्थिक वर्ष २०८३/८४ का लागि गहुँ बालीको न्यूनतम समर्थन मूल्य प्रतिक्वीन्टल ४ हजार १०७ रुपैयाँ तोक्ने निर्णय गरेको छ ।मन्त्रिपरिषद्को शुक्रबारको बैठकले कृषि, वन तथा पर्यावरण मन्त्रालयको प्रस्तावका आधारमा गहुँको न्यूनतम समर्थन मूल्य निर्धारण गर्ने निर्णय गरेको हो ।न्यूनतम समर्थन मूल्य तोकिएसँगै अब गहुँ उत्पादक किसानले प्रतिक्वीन्टल कम्तीमा ४ हजार १०७ रुपैयाँ पाउने सुनिश्चित भएको छ । बजार मूल्य योभन्दा तल झरेको अवस्थामा किसानलाई सरकारले यो मूल्यमा गहुँ खरिदको आधार दिने व्यवस्था मिल्नेछ ।कृषि प्रधान देशमा अन्नबालीको उत्पादन बढाउन र किसानको आम्दानी सुनिश्चित गर्न समर्थन मूल्य महत्वपूर्ण मानिन्छ । सरकारले हरेक वर्ष मुख्य बालीहरूको न्यूनतम समर्थन मूल्य तोक्दै आएको छ ।यो निर्णयसँगै आगामी गहुँ सिजनमा किसानले थप राहत पाउने अपेक्षा गरिएको छ । समर्थन मूल्य कार्यान्वयनका लागि सम्बन्धित निकायलाई आवश्यक निर्देशन दिने तयारी सरकारको छ ।