नेपाल प्रिमियर लिग (एनपिएल) को तेस्रो संस्करण अन्तर्गत मंगलबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भइरहेको खेलमा जनकपुर बोल्ट्सले टस जितेर पहिले बलिङ गर्ने निर्णय गरेको छ। विराटनगर किंग्सविरुद्धको यो लिग चरणको खेलमा टस जितेपछि जनकपुरका कप्तानले विपक्षीलाई ब्याटिङको निम्तो दिएका हुन्।
अंक तालिकामा जनकपुर बोल्ट्स बलियो स्थितिमा छ। अहिलेसम्म तीन खेल खेलेको जनकपुरले दुईमा जित र एकमा हार व्यहोर्दै चार अंक जोडेको छ र दोस्रो स्थानमा छ। आफ्नो लय कायम राख्दै अग्रता बलियो बनाउने लक्ष्यसहित जनकपुर मैदान उत्रिएको छ।
यता विराटनगर किंग्स भने तालिकाको छैटौं स्थानमा छ। तीन खेलमा दुई हार र एक जितसहित विराटनगरले दुई अंक मात्र जोडेको छ। अंक तालिकामा माथि उक्लन विराटनगरलाई यो खेलमा जित आवश्यक छ। दुवै टोलीका लागि महत्त्वपूर्ण मानिएको यो भिडन्तमा बलिङ रोजेको जनकपुरले सुरुवातमै दबाब बनाउन खोज्ने देखिन्छ भने विराटनगर ब्याटिङमार्फत बलियो स्कोर खडा गर्ने प्रयासमा हुनेछ।
