काठमाडौँ — नेपाली कांग्रेस काठमाडौँ महानगर समितिले दीपावली तथा नेपाल संवत्को पूर्वसन्ध्यामा राजधानीमा सुकुन्दा र्याली आयोजना गर्ने भएको छ। नेपाल संवत् मनाउने समुदायलाई लक्षित गर्दै काठमाडौँका भित्री गल्लीमा र्याली निकालिने महानगर समितिका सभापति सुशन वैद्यले जानकारी दिए।
र्याली यही कात्तिक २१ गते शनिबार साँझ ४ बजे लगनटोलबाट सुरु हुनेछ। लगन, ब्रह्मटोल, बाङ्गेमुडा, ह्यूमत, जैसीदेवल, कोहिटी, भीमसेनस्थान, काष्ठमण्डप, प्याफल, नरदेवी, किलागल, इन्द्रचोक, जुद्ध सालिक र न्युरोड गेट हुँदै र्याली तेबहालमा पुगेर समापन हुनेछ।
कांग्रेस सभापति गगनकुमार थापाको सहभागितामा हुने कार्यक्रममा उपस्थित हुन महानगर समितिले पार्टीका नेता, कार्यकर्ता तथा शुभेच्छुकलाई निमन्त्रणा गरेको छ। सभापति वैद्यले यस्तो र्यालीले सांस्कृतिक परम्परा, मौलिक पहिचान र सामाजिक सद्भाव प्रवर्द्धन गर्न सहयोग पुग्ने बताए।
