अमेरिकी राष्ट्रपति डोनाल्ड ट्रम्पले मध्यावधि निर्वाचनमा रिपब्लिकन पार्टीले बेहोरेको हारमा इरानसँगको युद्ध र त्यसका कारण बढेको इन्धनको मूल्यले पनि भूमिका खेलेको स्वीकार गरेका छन्।
फक्स न्युजसँगको अन्तर्वार्तामा ट्रम्पले इरानका केही क्षेत्रमा अमेरिकी आक्रमणको सम्भावनाबारे प्रतिक्रिया दिँदै ठूलो कारबाही हुनसक्ने बताए। त्यसमा ‘कडा प्रहार’ हुन सक्ने उनको भनाइ थियो। इरानलाई कहिल्यै आणविक हतियार प्राप्त गर्न नदिने दाबी पनि उनले गरे।
यसैबिच, मध्यावधि निर्वाचनमा रिपब्लिकन उम्मेदवारहरूलाई इन्धनको बढ्दो मूल्यले असर गरेको ट्रम्पले स्वीकार गरे। इन्धन किन्न बढी रकम खर्च गर्नुपर्दा अमेरिकी मतदाता असन्तुष्ट भएको उनले बताए। इरानसँगको तनाव र इन्धनको मूल्य वृद्धिलाई नै मतदाताको असन्तुष्टिको प्रमुख कारणका रूपमा उनले व्याख्या गरे।
मध्यावधि निर्वाचनको नतिजापछि ट्रम्पले पार्टीको हारबारे सार्वजनिक रूपमा प्रतिक्रिया दिँदै आएका छन्। उनले हारलाई व्यक्तिगत पराजय नमान्ने बताइसकेका छन् भने डेमोक्र्याटसँग सहकार्य गर्ने संकेतसमेत गरेका छन्। इरानमाथि कारबाहीको सम्भावना र इन्धन मूल्यको विषयले आगामी दिनमा अमेरिकी राजनीतिमा थप चर्चा हुने देखिएको छ।
