छ वटा प्रदेश सरकारका अर्थमन्त्रीहरू कर्णाली प्रदेशको राजधानी वीरेन्द्रनगरमा भेला भएका छन्। सुदूरपश्चिम प्रदेश बाहेकका सबै प्रदेशका अर्थमन्त्री यस भेलामा सहभागी भएका हुन्।
वित्तीय सङ्घीयता कार्यान्वयनको विषयमा बहस गर्ने उद्देश्यसहित कार्यक्रम आयोजना गरिएको कर्णालीका आर्थिक मामिला तथा योजना मन्त्री टेकराज पछाईले जानकारी दिए।
कार्यक्रम कर्णाली प्रदेश प्रशिक्षण प्रतिष्ठानको सभा हलमा आयोजना गरिएको छ। भेलामा प्रदेशहरूबीच वित्तीय अधिकार, स्रोत बाँडफाँट र सङ्घीयताको कार्यान्वयनमा देखिएका चुनौतीबारे छलफल हुने अपेक्षा गरिएको छ।
