काठमाडौं । स्थानीय बजारमा आज सुनको मूल्य प्रतितोला ६०० रुपैयाँले बढेको छ भने चाँदीको मूल्य २० रुपैयाँले घटेको छ ।
नेपाल सुनचाँदी व्यवसायी महासङ्घका अनुसार आज बुधबार छापावाल सुन प्रतितोला दुई लाख ७५ हजार ६०० रुपैयाँ र चाँदीको मूल्य तीन हजार ६५५ रुपैयाँ कायम भएको छ ।
हिजो मंगलबार छापावाल सुन प्रतितोला दुई लाख ७५ हजार रुपैयाँ र चाँदीको मूल्य तीन हजार ६७५ रुपैयाँ कायम थियो ।
सुनको मूल्य उकालो लाग्दा चाँदी भने ओरालो लागेको छ । दुई दिनको तुलनामा सुनको भाउ तोलामा ६०० रुपैयाँले माथि पुगेको हो भने चाँदी तोलामा २० रुपैयाँले सस्तिएको हो ।
महासङ्घले दैनिक रूपमा सुनचाँदीको मूल्य सार्वजनिक गर्दै आएको छ । बजारमा सुनचाँदीको कारोबार सोही मूल्यका आधारमा हुने गर्छ ।
