काठमाडौं । नेपाली कांग्रेसका पूर्वसभापति शेरबहादुर देउवा पक्षको काठमाडौं जिल्ला अधिवेशन शनिबारदेखि सुरु भएको छ । २१ कात्तिकमा राष्ट्रिय सभा गृहमा आयोजित भव्य समारोहबीच पूर्वसभापति देउवाले अधिवेशनको उद्घाटन गरे ।
उद्घाटन समारोह सुरु हुनुअघि बटुकहरूबाट स्वस्तिवाचन गरिएको थियो । समारोहअघि देउवा पक्षका नेता तथा कार्यकर्ताले विभिन्न सांस्कृतिक झाँकीसहित काठमाडौंमा र्याली निकालेका थिए ।
उद्घाटन सत्रमा देउवासहित १५औँ महाधिवेशन आयोजक समितिका संयोजक डा. शशांक कोइराला, कांग्रेसका पूर्वमहामन्त्री प्रकाशमान सिंह, नेताहरू डा. प्रकाशशरण महत र मोहनबहादुर बस्नेतलगायत उपस्थित थिए । जिल्ला अधिवेशनले काठमाडौं कांग्रेसको आगामी नेतृत्व र संगठनात्मक दिशा तय गर्ने अपेक्षा गरिएको छ ।
