बजारछेउमा भएको ड्रोन हमलामा दक्षिण सुडानमा कम्तीमा ८० जनाको मृत्यु भएको छ। आइतबार साँझ पश्चिम कोर्डोफानको अल–दिबाब सहरमा भएको हमलामा धेरै यात्रु घर फर्कनका लागि ट्रक चढ्ने तयारीमा रहेका थिए।प्रत्यक्षदर्शी अहमद अबाकर वादीका अनुसार उक्त क्षेत्रमा सञ्चार सेवा पूर्णरूपमा अवरुद्ध रहेकाले उनले स्याटेलाइट इन्टरनेटमार्फत समाचार संस्था एएफपीलाई घटनाबारे जानकारी दिएका थिए।वादीले हमलापछि ५० जनाको अन्त्येष्टिमा आफैंले सघाएको बताए। तीमध्ये उनका आफ्नै भाइ मोहम्मद पनि परेका छन्। आक्रमणमा घाइते भएका अन्य ४७ जनालाई नजिकैको अल–मुजलाद सहर लगिएको थियो। त्यहाँ उपचारका क्रममा थप ३० जनाको मृत्यु भएको चिकित्सक स्रोतले जनाएको छ।यति ठूलो संख्यामा मानिसको ज्यान गए पनि हमलाको जिम्मेवारी अहिलेसम्म कुनै समूहले लिएको छैन। घटनाबारे थप विवरण आउन बाँकी छ।