इङ्ग्लिस प्रिमियर लिगमा टोटनहम हट्सपरले क्रिस्टल प्यालेसलाई २-० ले पराजित गर्दै महत्त्वपूर्ण तीन अंक आफ्नो पक्षमा पारेको छ। खेल सुरु भएको केही समयमै प्यालेस अप्ठ्यारोमा परेको थियो।
खेलको १३ औँ मिनेटमा प्यालेसका स्ट्राइकर जिन-फिलिप मटेटाले रातो कार्ड पाएपछि पाहुना टोली १० खेलाडीमा सीमित हुन पुग्यो। त्यसपछि मैदानमा संख्यात्मक फाइदा टोटनहमको पक्षमा गयो र घरेलु टोलीले त्यसको पूरा उपयोग गर्यो।
२५ औँ मिनेटमा आर्ची ग्रेले गोल गर्दै टोटनहमलाई अग्रता दिलाए। पहिलो हाफ टोटनहमकै १-० को अग्रतामा सकियो। दोस्रो हाफमा पनि टोटनहमले दबाब कायम राख्यो र ७३ औँ मिनेटमा यान पाउल भ्यान हेकेले दोस्रो गोल गर्दै जित पक्का गरे।
प्यालेसले एक खेलाडी कम हुँदा पनि संघर्ष गरे पनि गोल फर्काउन सकेन। यो जितसँगै टोटनहम प्रिमियर लिग तालिकाको आठौँ स्थानमा उक्लिएको छ भने पराजित क्रिस्टल प्यालेस १८ औँ स्थानमा झरेको छ।
