काठमाडौं । शुक्रबार सुनको मूल्य तोलामा १ हजार ७ सय रुपैयाँले बढेको छ । नेपाल सुनचाँदी व्यवसायी महासंघले आजका लागि सुनको मूल्य प्रतितोला २ लाख ९० हजार १ सय रुपैयाँ तोकेको छ ।अघिल्लो दिन बिहीबार प्रतितोला २ लाख ८८ हजार ४ सय रुपैयाँमा सुनको कारोबार भएको थियो । आइतबारदेखि बिहीबारसम्म लगातार ओरालो लागेको सुनको भाउ शुक्रबार उकालो लागेको हो । आइतबार प्रतितोला २ लाख ९६ हजार ५ सय रुपैयाँमा सुनको कारोबार भएको थियो, जुन बिहीबारसम्म घटेर २ लाख ८८ हजार ४ सयमा झरेको थियो ।त्यसैगरी चाँदीको भाउ पनि आज तोलामा ११५ रुपैयाँले बढेको छ । अघिल्लो दिन प्रतितोला ४ हजार ३५ रुपैयाँमा कारोबार भएको चाँदी आज ४ हजार १५० रुपैयाँ कायम भएको छ ।